26 янв 19:54
Новости

Теннис

Australian Open турнирининг иккинчи финалчиси ҳам маълум

Мельбурн кортларида давом этаётган "Катта Дубулға" туркумига кирувчи Австралия Очиқ чемпионатининг иккинчи ярим финал учрашуви ўтказилди.

Дунёнинг бешинчи ракеткаси Арина Соболенко ҳал қилувчи финал учрашувида ўз омадини синаб кўрадиган бўлди. Беларуслик теннис маликаси 95 дақиқа давом этган 1/2 финал баҳсида WTA рейтингида 45-поғонадан жой олган польшалик Магда Линеттни 7/6(1), 6/2 ҳисобида мағлубиятга учратди.

Теннисчиларнинг ўзаро учрашувларидаги ҳисоб йириклашди - 3:0. Арина 6 та эйс, 2 та қўшхато ва 3 та брейк қайд этди. Соболенко кетма-кет 10 та учрашувда ғалаба қозонди. Энди у Australian Open 2023 бош соврини учун қозоғистонлик Елена Рибакинага қарши кортга чиқади.