Австралия Билли Жин Кинг кубоги 1/2 финалига чиқди

Австралия терма жамоаси гуруҳ босқичида Бельгияни 3:0 ҳисобида мағлуб этиб, ярим финал йўлланмасини қўлга киритди. 

Илк яккалик учрашувида Стормс Сандерс Алисон ван Уйтванкни таслим этди - 6/2, 6/2.

Иккинчи яккалик баҳсида Айла Томлянович Элизе Мертенсдан устун келди - 4/6, 6/4, 3/0, учинчи сетнинг учинчи геймидан кейин Элизе баҳсни давом эттира олмаслигини маълум қилди.

Жуфтлик беллашувида эса Сандерс ва Саманта Стосур бельгияликлар Исалин Бонавантюр ҳамда Кирстен Флипкенс танедмини мағлубиятга учратишди - 6/4, 6/3.