05 авг 08:05
Новости

Бокс/ММА

Азамат Нуфтиллаев Тошкентда Open FC камари учун жанг қилмоқчи

Оғир вазн тоифасида ўзбекистонлик аралаш яккакураш устаси Азамат Нуфтиллаев (14-1-1) Open FC чемпионлик камари учун жанг қилиш ниятида эканини билдирди.

Айни пайтда Россиянинг Open FC лигасида оғир вазнда чемпионлик камари бразилиялик Эдиван Сантосга (15-4) тегишли бўлиб турибди. Ҳамюртимиз эса уни жангга чорлади:

"Мен оғир вазнда чемпионлик учун жанг қилишга тайёрман. Мен лигада 2 та жанг ўтказиб, иккисида ҳам ғолиб бўлдим, мен камар учун жанг қилиш ҳуқуқига лойиқман. Бутун Ўзбекистон аҳлига бу камарни ватанга олиб боришга ваъда бераман. 7 октябрь, Тошкентда кўришамиз!", - деб ёзган Нуфтиллаев.

Эслатиб ўтамиз, Азамат Нуфтиллаев сўнгги бор март ойида Open FC 27 турнирида Дмитрий Кривулецга қарши жанг қилиб, муддатидан олдин ғалабага эришган эди. Бразилиялик Эдиван Сантос эса май ойида Олег Кубановни мағлуб этиб, Open FC чемпионига айланди. Бу унинг лигадаги дебют жанги эди.