06 мар 15:40
Новости
Бокс/ММА
Азизбек Темиров эртанги жанги олдидан тарозидан ўтди ва рақиби билан юзма-юз келди
Эртага АҚШнинг Лас-Вегас шаҳридаги Palms Casino марказида ММА бўйича LFA 203 турнири ташкил этилади.
Аввал хабар берганимиздек, мусобақа доирасида ўзбекистонлик аралаш яккакураш устаси Азизбек Темиров ҳам октагонга кўтарилади. Ҳамюртимиз турнир доирасида бразилиялик Даниэль Араухо билан тўқнаш келади. Жанг 3 раундга мўлжалланган.
Спотчилар бугун вазн ўлчаш маросимидан ўтиб олишди ҳамда face to face тадбирида иштирок этишди. Азизбек иштирокидаги беллашув бизнинг вақт билан тонгги соат 6:00 дан кейин бошланиши кутилмоқда.
Ушбу оқшомнинг марказий жанги қирғизистонлик Уран Сатибалдиев ҳамда Бразилия вакили Леон Соареш ўртасида кечади.
Маълумот учун, Азизбек Темиров фаолияти давомида 5 та жанг ўтказиб, уларнинг барчасида ғалаба қозонган. Араухо ҳисобида эса олтита ғалаба бор.
Ссылка :
Источник : olamsport.com
Комментарии