02 дек 07:02
Новости

Бокс/ММА

БАА қирғизистонлик 10 нафар боксчига виза бермади

Қирғиз Республикаси терма жамоаси 3-13 декабрь кунлари Дубай шаҳрида бўлиб ўтадиган IBA жаҳон чемпионатига бор йўғи икки боксчи билан боради.

Sport АКИpress нашрининг Қирғиз Республикаси бокс федерациясига таяниб ёзишича, барча керакли ҳужжатлар ўз вақтида топширилганига қарамай, терма жамоанинг 10 нафар аъзоси БААга виза ололмаган.

Федерация турнирга 13 кишини таклиф қилди, бироқ фақат икки спортчи - Омар Ливазе (63,5 кг) ва Алмаз Ўрозбеков (67 кг), шунингдек бош мураббий Данияр Тологон уулуга визалар берилди, холос. Жамоанинг қолган ўн нафар вакилига рад жавоби берилди.

Анваржон Ҳожиев (48 кг), Мирлан Туркбай ўғли (51 кг), Санжай Сейдакматов (54 кг), Риспек Бектенов (60 кг), Ихтиёр Нишонов (71 кг), Сирғак Абдижапар ўғли (75 кг), Омурбек Бекжигит ўғли (80 кг), Эркин Адилбек ўғли (85 кг), Бакит Токтосун ўғли (92 кг) ва Мирзакир Кошалиевга (+92 кг) виза берилмади.

Қирғиз Республикаси бокс федерацияси берган баёнотга кўра, бундай вазият 46 та иштирокчи давлатга тегишли бўлиб, бу жаҳон чемпионатининг тўлақонли ўтказилишини шубҳа остига қўйиши мумкин.