03 июл 07:23
Новости

Теннис

Бад-Хомбург чемпионлик кубоги Чехияга кетди

Германиянинг Бад-Хомбург шаҳрида ўтказилган майса қопламали WTA турнири Катержина Синякованинг ғалабаси билан якунланди.

Дунё рейтингида 52-ўринни эгаллаб турган чехиялик теннисчи финалда рейтингнинг 65-поғонасида борган италиялик Лючия Бронцеттини 6/2, 7/6(5) ҳисобларида мағлубиятга учратди. Бу теннисчиларнинг ўзаро ўтказган илк учрашуви эди.

Тўқсон саккиз дақиқа давом этган баҳсда Синякова 4, Бронцетти 1 та эйс зарбасини амалга оширган. Германиядаги муваффақиятли иштирок Катержинага 280 рейтинг очкоси ҳамда 29,760 доллар мукофот пули келтирди.