23 сен 17:44
Новости

Бокс/ММА

Баҳодир Жалолов навбатдаги жанги ҳақида: "Мен энг кучлилар билан жанг қилишга лойиқман"

Ҳаваскор боксда икки карра Олимпия ўйинлари ғолиби Баҳодир Жалолов навбатдаги жанги эълон қилинганига муносабат билдирди.

Кеча Жалоловнинг 6 октябрь куни Санкт-Петербург (Россия Федерацияси) шаҳрида ташкил этиладиган IBA.Pro 10 турнири доирасида россиялик Виталий Кудухов билан жанг қилиши ҳақида хабар берилганди.

"Рингга қайтаётганимдан жуда хурсандман. Худо хоҳласа, мухлисларга ажойиб жанг совға қиламан ва ўзимнинг энг яхши фазилатларимни кўрсатаман. Мақсадим, албатта, супероғир вазнда Жаҳон чемпиони бўлиш. Мен бу тажрибам билан энг яхши боксчилар билан жанг қилишга лойиқ эканлигимга ишонаман. Санкт-Петербургда ҳам менинг жангимни интиқлик билан кутаётган ўзбеклар кўп. Сизларга ажойиб шоу кўрсатиш учун қўлимдан келган барча ишни қиламан!", деди Жалолов.