20 окт 09:58
Новости

Бокс/ММА

Баҳодир Жалолов "Probellum"га мурожаат қилди + ФОТО

Хабарингиз бор, мағлубият ва муроса нималигини билмай келаётган профессионал боксчимиз Баҳодир Жалоловнинг жанги бекор қилинганди.

Чарм қўлқоп устамиз 15 октябрь куни Буюк Британиянинг Ливерпуль шаҳрида ўтказилган бокс оқшомида аргентиналик Ариэль Эстебан (11-10)га қарши рингга чиқиши лозим эди. Аммо тўқнашувга бир неча кун қолганида Ариэль Баҳодирга қарши жанг қилмасликка қарор қилганди.

Жалолов ўзининг ижтимоий тармоқдаги саҳифасида Probellum компаниясига мурожаат қилди. У айнан ушбу компания мижози ҳисобланади.

"Менга Топ даражадаги жангчи беринг. Ин Ша Аллоҳ, мен тайёрман" (Give me a top ranking opponent I`m ready, In Sha Allah!), дея ўзининг Инстаграм саҳифасида сурат ва унинг остида мурожаат қолдирган Жалолов.