08 июн 13:02
Новости

Бокс/ММА

Баҳодир Жалоловга уй совға қилинди

Бокс бўйича икки карра жаҳон чемпионига вилоят ҳокими янги хонадон калитини топширди.

Сурхондарё вилоят ҳокимлигда Тошкентда бўлиб ўтган бокс бўйича эркаклар ўртасидаги жаҳон чемпионатида олтин медални қўлга киритган Баҳодир Жалолов билан учрашув ўтказилди, дея хабар қилди ҳокимлик матбуот хизмати.

Сурхондарё вилояти ҳокими Улуғбек Қосимов икки карра жаҳон чемпиони, "Токио-2020" олимпия ўйинлари ғолиби Баҳодир Жалоловнинг иккинчи маротаба жаҳон чемпионлигини қўлга киритгани билан муборакбод этиб, унга хонадон калитини совға қилди.

Эслатиб ўтамиз, Баҳодир Жалолов Тошкентда ўтказилган ЖЧда барча рақибларини мағлубиятга учратиб, икки карра жаҳон чемпиони унвонига сазовор бўлганди.