25 июн 14:19
Новости

"Барселона" "Камп Ноу"га қайтадиган кунни эълон қилди

Амалдаги Испания чемпионлари янги мавсумда ўзининг уй стадионига қайтади.

Каталония клуби ижтимоий тармоқларида жамоа қачон "Камп Ноу"га қайтишни эълон қилди. Бу воқеа 2025 йилнинг августида содир бўлади.

Эслатиб ўтамиз, "Камп Ноу" стадиони реконструкцияси 2026 йил июнь ойида якунланади, тўлиқ ишлар эса 2028 йилда битади. Янги мавсумда "Камп Ноу" стадиони сиғими 60 минг томошабин билан чекланади.

Реконструкциядан сўнг "Камп Ноу"да 9,4 минг VIP ўрин бўлади — "Барса" уларнинг 60% ни аллақачон сотиб бўлган ва улар йилига 33,5 миллион евро даромад олиб келмоқда. Кейинги 7-10 йилда кутилган фойда 266 миллион евро бўлиши тахмин қилинмоқда.