10 апр 08:54
Новости
“Барселона” “Камп Ноу”ни таъмирлаш учун олган 1,6 миллиард евролик қарзни муддатидан олдин тўлайди
“Барселона” раҳбарияти “Камп Ноу”ни реконструкция қилиш учун банклар олдидаги қарзни тўлаш бўйича янги режа бўйича келишиб олди, деб хабар бермоқда Reuters.
Каталония клуби Goldman Sachs ва JP Morgan олдидаги қарзларини дастлаб режалаштирилганидан беш йил олдин тўлашни режалаштирмоқда. Натижада “Барселона” охирги тўловни 2052 йилда эмас, 2047 йилда амалга оширади.
Эслатиб ўтамиз, қайта қуриш ишларининг бир қисми 2022 йилнинг ёзида бошланганди. Қурилиш ишлари сабабли “Барселона” 2023/2024 йилги мавсумда Монтжуикдаги “Олимпия” стадионига кўчиб ўтади.
2024 йилнинг ёзида жамоа “Камп Ноу”га қайтади, лекин улар 50% мухлислар билан (максимал сиғимдан) ўйнашлари керак, чунки қурилиш ишлари ҳали давом этаётган бўлади. Қурилишни 2025/2026 йилги мавсумда тўлиқ якунлаш режа қилинган.
Ссылка :
Источник : championat.asia
Комментарии