14 янв 17:37
Новости

"Барселона" кичик муддатга ҳужумчи излаяпти

Каталониянинг "Барселона" клуби чекланган молиявий имкониятлари туфайли кичик муддатга шартнома тузиш мумкин бўлган форвард изламоқда.

Мемфис Депайнинг жамоани тарк этиши аниқ бўлиб қолгани туфайли “кўк-анорранглилар” устози Хави Эрнандес харид қилиш мумкин бўлган вариантларни ўрганиб чиқмоқда. Испан клуби 2,4 млн евролик ечим топиш билан чекланишга мажбур бўлади. Улар олти ой муддатга шартнома тузиш мумкин бўлган ҳужумчиларни ўрганиб чиқаётгани айтилмоқда.

Нидерландиялик ҳужумчи Мемфис Депай ушбу мавсумда турли мусобақаларда жами 4 та ўйинда майдонда кўриниш берди ва 1 та гол урди.