"Барселона" тарбияланувчисини қайтармоқчи

"Байер" Леверкузен ҳимоячиси Алехандро Гримальдо "Барселона"нинг қизиқишлари доирасида. Бу ҳақда "Todofichajes" хабар бермоқда. Испаниялик футболчи немис клубида яхши мавсум ўтказмоқда, бу каталонияликларнинг эътиборини тортмасдан қолмади. Шу билан бирга, унинг "фармацевтлар" билан шартномаси яна 3 йилга мўлжалланган.

Гримальдо "кўк-анорранглилар" академиясида 8 йил ўйнаган, аммо асосий жамоада ҳаракат қилмаган. "Барселона"ни тарк этгач, у "Бенфика"да ўйнади ва ўтган ёзда эркин агент сифатида "Байер"га ўтди. 28 ёшли ҳимоячи жорий мавсум барча турнирларда 37 та ўйинда 11 та тўп киритди ва 15 та голга ассистентлик қилди.