28 окт 15:56
Новости

"Барселона" январда трансферларни амалга ошириш учун 3 нафар футболчидан қутулмоқчи

Каталониянинг "Барселона" клуби январь ойида жамоадан кетадиган футболчилар рўйхатини шакллантирди.

Sport.es хабарига қараганда, "кўк-анорранглилар" Жерар Пике, Жорди Альба ва Мемфис Депай билан ҳамкорликни тўхтатмоқчи.

Манбага кўра, бу қадамлар клуб учун тўланадиган маошлар суммасини камайтириш учун зарур. Бу "кўк-анорранглилар"га январдаги трансфер бозорида фаол бўлиш имконини беради.

"Барселона" айни дамда Ла Лига турнир жадвалида "Реал"дан 3 очко ортда қолган ҳолда иккинчи ўринда бормоқда. Чемпионлар Лигасида эса гуруҳдан чиқа олмади.