30 ноя 07:49
Новости

"Башакшеҳир" меҳмонда ғалабага эришди, Шомуродов ва Файзуллаев гол урди!

Туркия Суперлигаси 14-тур доирасидаги "Қосимпошо" — "Башакшехир" ўйинида меҳмонлар муҳим уч очкони қўлга киритишди.

Меҳмонлар ушбу ўйинда 3:1 ҳисобидаги ғалабага эришишди. Қувонарлиси, асосий таркибда майдонга тушган Ўзбекистон терма жамоаси футболчилари Аббос Файзуллаев (26) ва Элдор Шомуродов (90+7) ўз ҳисобларига гол ёздириб қўйишди.

Бу Шомуродовнинг Туркия Суперлигасидаги 10-голи бўлди. Файзуллаев эса жарима зарбасини чиройли голга айлантирди.