"Бавария" Тухелни ишдан бўшатмоқчи

Мюнхеннинг "Бавария" клуби бош мураббий Томас Тухель билан ҳамкорликни тугатишга тайёр, дея хабар бермоқда Германиянинг "Sport1" телеканали.

Хабар қилинишича, Чемпионлар Лигаси доирасида Англиянинг "Арсенал" жамоасига қарши баҳс ҳал қилувчи аҳамиятга эга. Мюнхен клуби мағлубиятга учраса, мавсум якунини кутмасдан, дарҳол Тухель билан хайрлашади. Бунда бош мураббий вазифасини бажарувчи вазифасини жамоа собиқ ҳужумчиси Мирослав Клозе бажаради, унга Герман Герланд ёрдам беради.

Эслатиб ўтамиз, "Бавария" "Хайденхайм"дан учралган мағлубиятдан сўнг Бундеслига чемпионлигини қўлга киритиш имкониятини амалда йўқотди.