09 авг 10:13
Новости
Бокс/ММА
Бектемир Мелиқўзиев Дмитрий Биволнинг сўнгги рақиби Хильберто Рамирес билан спарринг ўтказди + ФОТО
Иккинчи ярим ўрта вазн тоифасида WBA Inter-Continental камари соҳиби, ўзбекистонлик профессионал боксчи Бектемир Мелиқўзиев (12-1-0) айни дамда Америка Қўшма Штатларида навбатдаги жангига тайёргарлик олиб бормоқда.
Ҳамюртимиз кеча ўз Instagram саҳифаси орқали ярим оғир вазн тоифасида WBO собиқ чемпиони, мексикалик Хильберто Рамирес (44-1) билан спарринг олиб борганини маълум қилди ва Рамиресга спарринг баҳси учун миннатдорчилик билдирди.
Эслатиб ўтамиз, Хильберто Рамирес сўнгги бор ўтган йилнинг ноябрь ойида россиялик WBA чемпиони Дмитрий Биволга қарши жанг қилиб, фаолиятидаги ягона мағлубиятини қабул қилиб олган эди. Ҳамюртимиз Бектемир Мелиқўзиев эса охирги жангини апрель ойида мексикалик Габриэль Росадога қарши ўтказиб, ғалаба қозонган ва вакант бўлиб турган WBA Inter-Continental камарини қўлга киритган эди.
Ссылка :
Источник : instagram.com/bektemirmelikuziev
Комментарии