16 июн 06:43
Новости

Бокс/ММА

Бекзод Абдураҳмонов face to face маросимида иштирок этди + ФОТО

Эркин кураш бўйича Ўзбекистон терма жамоаси аъзоси, Олимпия ўйинлари совриндори Бекзод Абдураҳмонов эртанги ММА жанги олдидан кўз уриштириш маросимида ҳозир бўлди.

Токио-2020 Олимпиадаси бронза медали соҳиби бизнинг вақт билан эртага тонгда Америка Қўшма Штатларининг Массачусеттс штати Уилмингтон шаҳрида ташкил этиладиган Combat FC 4 турнирида октагонга чиқади. Унга бразилиялик Дерик де Фрейтас (2-5) рақиблик қилади. Жанг ярим ўрта вазн тоифасида ўтказилади.

Маълумот учун, Бекзод Абдураҳмонов 2012-2017 йиллар давомида аралаш яккакураш билан шуғулланган. У ММАда 7 та проф жанг ўтказиб, уларнинг барчасида ғалаба қозонган. Олти жангда рақибларини муддатидан аввал мағлуб этган.