01 окт 15:25
Новости

Бокс/ММА

Бенуа Сен-Денининг жанги расман тасдиқланди + ПОСТЕР

16 ноябрь куни тонгда АҚШнинг Нью-Йорк шаҳрида ўтказиладиган UFC 322 турнири карди учун яна бир қизиқарли жанг расман эълон қилинди.

Енгил вазн тоифаси рейтингида 13-ўринни эгаллаб турган франциялик Бенуа Сен-Дени ўзидан 4 поғонада бораётган асли келиб чиқиши эронлик, ҳозирда АҚШ шарафини ҳимоя қилаётган Бенеил Дариушга қарши октагонга чиқади.

UFC 322 турнирининг асосий жанги австралиялик UFC чемпиони Жек Делла Маддалена ҳамда россиялик собиқ чемпион Ислам Махачев ўртасида бўлиб ўтади.

Эслатиб ўтамиз, 6 сентябрь куни Париж шаҳрида ўтган UFC Fight Night 258 турнирида Бенуа бразилиялик Маурисио Руффини иккинчи раундда бўғиш усули эвазига мағлубиятга учратган эди. Бенеил эса 27 июнь куни Лас-Вегасда ўтказилган UFC 317 турнирида бразилиялик Ренато Мойканодан ҳакамларнинг якдил қарори билан устун келганди.