07 дек 07:32
Новости

Бензема ва Роналду гол урган ўйинда "Ал Иттиҳод" "Ал Насср"ни мағлуб этди

Саудия Арабистони чемпионатининг 13-тури доирасидаги марказий учрашув "Ал Иттиҳод" ва "Ал Насср" жамоалари ўртасида бўлиб ўтди.

Карим Бензема ва Криштиану Роналду гол урган ўйинда "Ал Иттиҳод" 2:1 ҳисобидаги муҳим ғалабани қўлга киритди. Ғалаба тўпи ўйиннинг асосий вақтига қўшиб берилган дақиқада Стивен Бергвейн томонидан киритилди. Бу жиддаликларнинг кетма-кет тўққизинчи ғалабаси бўлди. "Ал Насср" эса кетма-кет иккинчи ўйинда мағлуб бўлди.

"Ал Иттиҳод" - "Ал Насср" 2:1
"Қирол Абдуллоҳ Спорт Сити" стадиони
Голлар: Карим Бензема (55), Криштиану Роналду (57), Стивен Бергвейн (90+1).
"Ал Иттиҳод": Предраг Райкович, Ҳассан Кадеш, Муҳаннад ал-Шанқити (Фаваз ал-Сақур, 84), Марио Митай, Данилу Перейра, Нголо Канте, Фабиньо, Уссем Ауар, Карим Бензема, Стивен Бергвейн, Абдулраҳмон ал-Обуд (Абдулелаҳ ал-Амри, 46).
"Ал Насср": Бенто, Аймерик Ляпорт, Султон ал-Ганнам, Муҳаммад Симакан, Наваф Бувашл, Марцело Брозович, Отавио, Абдуллоҳ ал-Ҳайбари, Криштиану Роналду, Садио Мане, Ангело (Абдулраҳмон Ғариб, 72).
Огоҳлантиришлар: Марцело Брозович (24), Султон ал-Ганнам (42), Аймерик Ляпорт (59), Данилу Перейра (59), Стивен Бергвейн (64), Карим Бензема (67), Отавио (67).