16 июн 08:31
Новости

Бокс/ММА

Бетербиев Биволнинг сўзларига муносабат билдирди

Яримоғир вазнда WBC ва IBF камарлари соҳиби Артур Бетербиев худди шу вазнда WBA Super чемпиони Дмитрий Биволнинг сўзларига жавоб қайтарди.

Аввалроқ, Бивол Бетербиев ва Смитнинг табиатан кучли зарбаларга эга боксчилар эканлигини, Сауль "Канело" Альварес эса тайминг ва аниқлик эвазига ўз зарбаларини ривожлантирганини таъкидлаган эди.

"У менинг кучим ҳақида ўйлаши мумкин эмас, чунки у профессионалларга ҳеч қачон зарба йўлламаган. Ҳа, у ўзи жанг қилган Жо Смит ва Сауль Альвареснинг зарбаларини солиштириши мумкин. Лекин менга келсак, бу нотўғри деб ўйлайман. У зарбаларимни солиштириб кўра олмайди", - деди Бетербиев BeatsBoxingMayhem YouTube каналига берган интервьюсида.

Аввалроқ, Бетербиевнинг навбатдаги жанги қачон ўтказилиши ҳақида хабар берган эдик.