17 июл 10:27
Новости

Биласизми? Сергеев ўйнаётган “Тобол”да еврокубок гуруҳ босқичига чиқиш учун ҳали имкон бор

Теги : Тобол

Қозоғистоннинг “Тобол” клуби ЕЧЛ 2022/23 йилги мавсум 1-саралаш раундида икки ўйин (0:0, 1:5) натижасига кўра, "Ференцварош"га ютқазиб, мусобақа билан эрта хайрлашди.

Игор Сергеев жавоб баҳсида гол уриб, Чемпионлар Лигасида (саралаш+финал раунди) гол урган 6-ўзбекистонликка (маҳаллийлаштирилганлари билан бирга) айланди.

Бироқ, костанайликларда бу мавсум еврокубок гуруҳ босқичига чиқиш учун ҳали имкон бор. Жамоа Конференциялар Лигаси 2-саралаш раундига йўл олди. Уларга бу босқичда Гибралтарнинг “Линкольн Ред Импс” жамоаси рақиблик қилади. Дастлабки учрашув 21 июль куни, кейингиси эса 28 июлда ўтказилади.

“Тобол” ушбу босқичдан ўтса, 3-саралаш раунди ва плей-офф учрашуви қолади. Мусобақа янги мавсумининг гуруҳ босқичи эса 8 сентябрда старт олади.

Эслатиб ўтамиз, “Тобол” ўтган мавсум 3-квалификация раундида муваффақиятсизликка учраганди. Игор Сергеев эса ҳозирча Конференциялар Лигаси саралашида 4 та ўйин ўтказиб, 2 та голни ўз ҳисобига ёзишга улгурган.

Ссылка :

Источник : championat.asia

Рейтинг: +1