13 апр 10:58
Новости

Теннис

Billie Jean King кубоги. Ҳиндистон - Ўзбекистон 3:0

Пойтахтимизда нуфузли Billie Jean King кубогининг Осиё ва Океания минтақаси биринчи гуруҳидан ўрин олган ўйинлар давом этмоқда.

Кеча Ўзбекистон аёллар терма жамоаси Ҳиндистонга қарши кортга чиқиб, барча ўйинларда мағлуб бўлди. Яккалик баҳсларида Сабрина Олимжонова Рутужа Босалега 7/5, 2/6, 4/6, Севиль Юлдашева эса WTA рейтингида 221-ўринда бораётган Анкита Раинага 4/6, 2/6 ҳисобларида имкониятни бой берди.

Учрашувнинг умумий натижасига таъсир ўтказмаган жуфтликлар баҳсида эса ҳамюртларимиз Мафтунабону Қаҳрамонова ва Оминахон Валиханова ҳамкорлиги ҳиндистонликлар Шривалли Рашмикаа ҳамда Вайдехи Чаудхари тандемига қаршилик кўрсата олишмади - 1/6, 0/6.

Куннинг қолган ўйинларида Япония Таиландни 2:1 ҳисобида мағлубиятга учратган бўлса, Жанубий Корея терма жамоаси хитойлик ракетка усталаридан 2:1 ҳисобида устун келишди.