28 июл 08:34
Новости

Бокс/ММА

Бир ҳафтадан кейин ўтказиладиган UFC турнири асосий жангини йўқотди

Теги : UFC on ESPN 71 Амир Албази Тацуро Тайра

Келаётган шанба оқшомида, 2 август куни АҚШнинг Невада штати Лас-Вегас шаҳридаги Apex аренада UFC on ESPN 71 турнири бўлиб ўтади.

Турнирга бир ҳафта қолган бир пайтда оқшомнинг асосий жанги бекор қилинди. Ўта енгил вазн тоифаси вакиллари Амир Албази ва Тацуро Тайра UFC on ESPN 71 турнирининг марказий жангида ўзаро тўқнаш келишлари керак эди. Жангнинг бекор бўлгани ҳақида вазиятга яқин манбалар хабар берган.

Тез орада ташкилотчилар мусобақанинг янги асосий жангини эълон қилишади. Оғир вазн тоифаси вакили Вальдо Кортес-Акоста ижтимоий тармоқдаги саҳифасида айнан у турнирнинг асосий жангида октагонга чиқишига шаъма қилган.

"Ҳар доим тайёрман. Хоҳлаган жойда, исталган вақт, кимга қарши жанг қилишнинг аҳамияти йўқ! Келаси ҳафта UFC турнирида кўришамиз!", – деб ёзган Кортес-Акоста.

Айни пайтда америкалик Вальдонинг 23 август куни Хитойнинг Шанхай шаҳрида ўтказиладиган UFC турнирида россиялик Сергей Павловичга қарши жанги белгиланган.