25 мар 19:02
Новости

Бокс/ММА

"Бивол чемпионлик камаридан воз кечгани яхшироқ, Бенавидес билан жанг бўлмайди" - промоутер

Америкалик Дэвид Бенавидеснинг промоутери Сэмпсон Левкович россиялик мутлақ жаҳон чемпиони Дмитрий Бивол унинг шогирдига қарши жанг қилишига ишонмаяпти.

Эслатиб ўтамиз, аввалроқ Бутунжаҳон бокс кенгаши (WBC) Бивол ва Бенавидес 8 апрелга қадар жанг ҳақида келишиб олишлари кераклигини маълум қилган эди.

"Мен Биволга чемпионлик камаридан воз кечишни тавсия қилган бўлардим. Бу жанг бўлмайди. Шундай экан, камарни шунчаки топшир. Нега жанг бўлмайди? Чунки пулдор одам (Турки ал аш Шайҳ) бу жангни хоҳламайди", — деди Левкович.

Маълумот учун, Дмитрий Бивол айни пайтда яримоғир вазн тоифасида мутлақ жаҳон чемпиони ҳисобланади. 28 ёшли Бенавидес (30-0, 24 КО) эса вақтинчалик WBC камари эгасига айланган.