17 дек 10:51
Новости

Бокс/ММА

Блогер Емельяненкони дўппослади + ФОТОГАЛЕРЕЯ

Россия Федерацияси пойтахти Москва шаҳрида навбатдаги ММА турнири бўлиб ўтди.

"Бойцовский клуб РЕН ТВ. Суперсерия" турнирининг марказий жанги оғир вазн тоифасида ўтказилиб, унда россиялик таниқли ММА вакили Александр Емельяненко блогер Святослав Коваленкога қарши "қафас"га кирди.

Эътиборлиси, номдор ва профессионал рақибидан 26 килограммга енгил бўлган Коваленко уч раунд тўлиқ давом этган жангда очколар ҳисобига кўра ғалаба қозонди. Ҳакамлардан икки нафари блогерга, яна бири Александрнинг ғалабасини таъминлаган.

Бир кун аввал ўтказилган тарозидан ўтиш маросимида Емельяненко 110 кг, Коваленко эса 83.9 килограмм вазн қайд этганди. Александр Емельяненко бундан аввалги жангида Вячеслав Дацикка биринчи раунднинг 12-сониясидаёқ нокаут эвазига мағлубиятга учраган эди.