Богдан Гусков: "Блаховични ютсам, чемпионлик жангига жуда яқин келаман"

"Мен бор эътиборимни Ян Блаховичга қарши жангда ғалаба қозонишга қаратганман. Агар ғалаба қозонсам, чемпионлик учун курашга жуда яқин келаман, ҳа, кўпи билан битта жанг. 

Анкалаевга қачон реванш жанги ёки чемпионлик учун курашиш ҳуқуқи берилади? Очиғи, билмайман. Иржи Прохазка ва Халил Раунтри ажойиб жанг ўтказишди. Карлос Ульберг ҳам чемпионлик йўлида кураш олиб бормоқда. 

Даъвогар ва Анкалаевнинг Прохазка билан жанг қилиши катта рол ўйнаши мумкин, аммо мен негадир Александр Ракич ва Азамат Мурзакановни ҳам рўйхатга қўшгим келяпти. 

Қолаверса, Хамзат Чимаев Перейрага қарши жанг қилмоқчи эди. Аммо менимча, ўрта вазн тоифасидаги чемпионга ярим оғир вазндаги чемпионлик унвони учун жанг дарҳол берилмайди. Акс ҳолда дивизион музлаб қолади”, деди Гусков.