18 июн 20:25
Новости

Бокс/ММА

Бокс. Ўсмирларимиз Беларусдаги турнирда 5 та медалга эга чиқишди

Теги : Бокс

Беларуснинг Минск шаҳрида бокс бўйича ўсмирлар ўртасида СССР спорт устаси Владимир Ботвинник хотирасига бағишланган халқаро турнир бўлиб ўтди.

Аввалроқ, ушбу мусобақада Бекзод Хидиров бошчилигидаги Ўзбекистон ўсмирлар терма жамоаси аъзолари иштирок этаётганликлари ҳақида хабар бергандик. Баҳсларда Литва, Латвия, Россия, Беларусь, Словения ва Ўзбекистондан 120 нафардан ортиқ боксчи қатнашди.

Бугун мазкур халқаро турнир ўз ниҳоясига етди. Қувонарлиси, баҳсларда қатнашган беш нафар боксчимиз юртимизга медаль билан қайтадиган бўлди.

Терма жамоамиз сафида қуйидаги боксчиларимиз совриндор бўлишди:

Олтин:

-52 кг: Самандар Олимов

-63 кг: Абдуллоҳ Тоҳиров

Кумуш:

-70 кг: Аббос Абдураҳимов

+80 кг: Ҳалимжон Мамасолиев

Бронза:

-50 кг: Илҳом Эргашев.

Терма жамоамиз аъзоси Самандар Олимов мусобақанинг энг яхши боксчиси номига сазовор бўлди. Ҳалимжон Мамасолиевга эса мухлислардан махсус совға топширилди.

Ссылка :

Источник : t.me/boxinguzbekistan

Рейтинг: