Боксчи қизларимиз Олимпиада лицензион турнирида рингга чиқишди

Олимпия ўйинларига йўлланма тақдим этувчи ушбу сўнгги лицензион турнирда Ўзбекистон терма жамоасининг уч нафар боксчи қизлари ҳам иштирок этяпти. Бугун улардан икки нафари ўз жангларини ўтказиши ҳақида хабар берган эдик. 

-66 кг вазн тоифасидаги боксчимиз Навбаҳор Ҳамидова турнирдаги иккинчи жангида германиялик Леони Мюллерни 3:2 ҳисобида енгди. Ҳозиргина якунига етган жангда эса Рашида Тагирова (-60 кг) швециялик Агнес Алексиуссонга имкониятни бой бериб, мусобақадаги иштирокини якунлади.