12 июл 19:15
Новости

Бокс/ММА

Ботир Аҳмедов Стивенсон — Сепеда жанги учун тахмин билдирди

Биринчи яримўрта вазнда жаҳон чемпионлик камари учун собиқ даъвогар ҳамюртимиз Шакур Стивенсоннинг асосий спарринг-шериги ҳисобланади.

Амалдаги WBC чемпиони Шакур Стивенсоннинг мағлубият нималигини билмай келаётган Уильям Сепедага қарши жанги тонг саҳарда АҚШнинг Нью-Йорк шаҳрида бўлиб ўтади.

"Ўйлашимча, бу жангда Стивенсон очколар ҳисобига кўра ғалаба қозонади. Мен у билан машғулот лагерида бирга ишлаганман. Жуда кўп маротаба спарринг жангларда қатнашганман. Шакур яхши спорт формасида бўлган пайтида жуда кучли ва қаттиқ зарба йўллайди. Кўрамиз, жанг қандай сценарий асосида кечар экан, аммо менда шундай ҳис-туйғу борки, Стивенсон муддатидан олдин зафар қучиши ҳам мумкин", — деди Аҳмедов.

Дарвоқе, Шакур Стивенсонга Уильям Сепедага қарши кечадиган жангига тайёргарлик кўриш учун айнан Ботир Аҳмедов ёрдам берган.