12 мая 08:46
Новости

Бокс/ММА

Ботир Аҳмедов якшанба тонгида WBA чемпионлик камари учун даъвогарлик жангида рингга чиқади

Суперенгил вазн тоифасидаги (63,5 кг) 32 ёшли чарм қўлқоп устамиз Ботир Аҳмедов (9-2) бизнинг вақт билан 14 май тонгида Лас-Вегасдаги The Chelsea at the Cosmopolitan of Las Vegas аренасида рингга кўтарилади.

Ҳамюртимизга америкалик 29 ёшли Кеннет Симс Жуниор (19-2-1) рақиблиқ қилади. Жанг суперенгил вазн тоифасида WBA чемпионлик камарига мажбурий даъвогарлик (Eliminator) мақомида ўтади. Боксчилар ўртасидаги жанг 12 раунд этиб белгиланган.

Эслатиб ўтамиз, Ботир Аҳмедов 2022 йил 21 август куни Флоридада (АҚШ) ташкил этилган бокс оқшомида WBA камари учун Альберто Пуелльога қарши рингга чиқиб, очколар ҳисобига (115:113, 111:117, 111:117) кўра мағлуб бўлган эди. Кейинчалик Пуелльода допинг аниқланганди.