14 мая 09:37
Новости

Бокс/ММА

Ботир Аҳмедовнинг WBA камари учун учинчи уриниши. Жанг тўлиқ давом этди

АҚШнинг Невада штати Лас-Вегас шаҳридаги The Chelsea at the Cosmopolitan of Las Vegas аренада профессионал бокс кечаси бўлиб ўтди.

Оқшом доирасида суперенгил вазн тоифасида (63,5 кг) юртимиз шарафини ҳимоя қилиб келаётган 32 ёшли чарм қўлқоп устамиз Ботир Аҳмедов (9-3) ҳам ўз жангини ўтказди. Сирдарёлик боксчимизга америкалик 29 ёшли Кеннет Симс Жуниор (20-2-1) рақиблиқ қилди.

Жанг суперенгил вазн тоифасида WBA чемпионлик камарига мажбурий даъвогарлик (Eliminator) мақомида бўлиб, тўлиқ 12 раунд давом этди. Якунда ҳакамлар 116-112, 115-113, 114-114 ҳисобидаги баҳсли ғалабани Кеннетга тақдим этишди.

Шу тариқа, Ботир Аҳмедовнинг чемпионлик камари йўлидаги учинчи уриниши ҳам омадсизликка учради.