04 янв 09:47
Новости

Теннис

Brisbane International. Новак Жокович 293-ракеткага ютқазди

Дунёнинг еттинчи ракеткаси Новак Жокович Австралиянинг Брисбен шаҳрида ўтказилаётган теннис турниридаги иштирокини якунлади.

Сербиялик тажрибали ракетка устаси Brisbane International турнирининг 1/4 финалида ATP рейтингида 293-поғонада бораётган америкалик Рейлли Опелкага имкониятни бой бериб қўйди - 6/7(6), 3/6. Бу теннисчиларнинг ўзаро ўтказган илк учрашуви бўлди.

Роппа-роса 100 дақиқа давом этган баҳсда Жокович 8, Опелка 16 та эйс зарбасини амалга оширган. Иккала теннисчи ҳам биттада қўшхатога йўл қўйган. Битта брейк Рейллига номдор рақиби устидан ғалаба келтирди. Энди у 1/2 финалда Жованни Мпетши-Перрикарга қарши кортга чиқади. Француз теннисчиси 1/4 финалда чехиялик Якуб Меньшикдан устун келди - 7/5, 7/6(5).