06 янв 10:21
Новости
Теннис
Brisbane International. Омадсиз Опелка, Лехечка курашсиз чемпион бўлди
Австралиянинг Брисбен шаҳрида теннис бўйича ATP 250 тоифасига кирувчи турнир якунига етди.
Ҳал қилувчи финал учрашувида америкалик Рейлли Опелка омадсизликка учради. Финалгача бўлган йўлни кўтаринки кайфиятда босиб ўтган Рейлли жароҳат сабаб биринчи сетнинг бешинчи геймидан кейин баҳсни давом эттира олмаслигини маълум қилди. Бу пайтга келиб, у дунёнинг 28-ракеткаси чехиялик Иржи Лехечкага 1/4 ҳисобида ютқазаётганди.
Таққослаш учун, Опелка финалгача ATP рейтигида 293-поғонани эгаллаб турганди. Финал учрашуви бор йўғи 15 дақиқа давом этган. Бу теннисчиларнинг ўзаро илк учрашуви бўлди. Brisbane International турниридаги муваффақиятли иштирок Лехечкага 250 рейтинг очкоси ҳамда 96,985 АҚШ доллари миқдорида мукофот пули келтирди. Опелка эса бир ҳафталик меҳнатидан 165 очко ва $56,580 ишлаб олди.
Ссылка :
Источник : gotennis
Комментарии