03 янв 14:34
Новости

Теннис

Брисбен (ATP). Жокович Монфисни ўзаро 20-учрашувда ҳам мағлуб этди, бу рекорд!

Дунёнинг еттинчи ракеткаси Новак Жокович Австралиянинг Брисбен шаҳрида ўтказилаётган ATP турнирида муваффақиятли одимламоқда.

Сербиялик теннисчи Brisbane International турнириниг 1/8 финалида ATP рейтингида 55-поғонада бораётган франциялик Гаэль Монфисни ортиқча қийинчиликсиз мағлубиятга учратди - 6/3, 6/3.

Теннисчиларнинг ўзаро учрашувлардаги ҳисоб 20:0 кўринишига келди, бу тарихий рекорд натижа ҳисобланади. Теннис тарихида ҳали ҳеч ким ўзаро учрашувларда бундай йирик "сухой" ҳисобда зафар қучмаган эди.

Етмиш тўрт дақиқа давом этган баҳсда Жокович 5, Монфис 4 та эйс зарбани амалга оширган. Брейклар бўйича мутлақ устунлик ҳам Новак томонида бўлди - 3 га 0. Энди сербиялик 1/4 финалда Рейлли Опелкага қарши кортга чиқади. Америкалик теннисчи ўз ўрнида италиялик Маттео Арнальдидан 7/6(9), 7/6(4) ҳисобида устун келди.