29 мар 13:42
Новости

Бокс/ММА

Бу қизиқ! Эртанги UFC турнирида Лиганинг энг ёш ҳамда энг кекса жангчилари октагонга чиқади + ФОТО

Хабарингиз бор, бизнинг вақт билан эртага тонг саҳарда Мексика пойтахти Мехико шаҳрида навбатдаги UFC турнири бўлиб ўтади.

Эътиборга молик жиҳат шундаки, UFC on ESPN 64 турнири доирасида промоушеннинг энг ёш ва аксинча, энг кекса жангчилари октагонга чиқади. UFC ростеридаги энг ёш жангчи, мексикалик Рауль Росас Жуниор Винс Моралесни синовдан ўтказади. Ушбу жанг асосий карддан ўрин олган. Ўзининг 17 ёшида UFC лигасида дебют қилган Рауль Жуниор ҳозир 20 ёшда.

Прелим кард доирасидаги жангда эса аксинча, UFC ростеридаги энг кекса аралаш яккакураш устаси Винс Пичел Рафа Гарсияга қарши октагонга кўтарилади. Енгил (70 кг) вазн тоифаси вакили ҳисобланган Пичел ҳозирда 42 ёшда бўлиб, у кечаги тарози маросимида рақибидан ярим килограммга оғирроқ тош босди.