08 авг 00:32
Новости
Спортивная борьба, Париж-2024
Бу қизиқ. Ўзбекистон Олимпиадалар тарихида юнон-рум курашидаги сўнгги медалини қачон қўлга киритган?
Спорт курашларининг мазкур дастурида шу кунгача иккита медалга эга чиққанмиз.
Юнон-рум курашида делегациямиз ҳисобига илк медални асли грузиялик Александр Доктуришвили (74 кг) келтирган. У 2004 йилда Афинада бўлиб ўтган Олимпия ўйинларида олтин медални қўлга киритган эди.
Орадан 12 йил ўтгач, Элмурат Тасмурадов (59 кг) Рио-2016 Олимпиадасида бронза медалига эга чиққан. Шундан буён спорт курашларининг "классик" дастурида медал қўлга киритишнинг уддасидан чиқа олмаяпмиз.
Маълумот учун, Тасмурадов ҳозирда юнон-рум кураши бўйича Ўзбекистон терма жамоаси мураббийлар штабида фаолият юритмоқда.
Бугун Париж Олимпиадасида иштирок этган икки нафар юнон-рум курашчимиз — Арам Варданян (77 кг) ва Рустам Ассакаловда (97 кг) бронза медалини қўлга киритиш имкони бор эди, бироқ улар ўз баҳсларида мағлубиятга учради.
Ссылка :
Источник : olamsport.com
Комментарии