28 фев 09:51
Новости

Теннис

Бугун Абдураимова Трнавадаги юришини бошлайди

Словакиянинг Трнава шаҳрида теннис бўйича W50 тоифасидаги турнир давом этмоқда.

Мукофот жамғармаси 50 000 АҚШ долларини ташкил этувчи мусобақада ҳамюртимиз Нигина Абдураимова ҳам ўз имкониятини синаб кўради.

Қуръа натижасига кўра мамлакатимизнинг биринчи ракеткаси турнирнинг илк даврасида швейцариялик Леони Кангга қарши кортга чиқади. Ушбу баҳс бизнинг вақт билан соат 14:00да бошланади.

Таққослаш учун, Абдураимова WTA рейтингида 247, Канг эса 343-ўринни эгаллаб турибди. Бу теннисчиларнинг ўзаро ўтказган илк учрашуви бўлади. Леони охирги ўтказган 5 та ўйинининг барчасида ғалаба қозонган. Нигина эса 5 та учрашувнинг 4 тасида мағлубиятга учраган.