29 июл 12:07
Новости

Шахматы

Бугун Esports World Cup Chess старт олади. Илк турдаёқ Абдусатторов - Магнус Карслен қарама-қаршилиги

Бугун Саудия Арабистони пойтахти Ар-Риёд шаҳрида шахмат бўйича мукофот жамғармаси 1 миллион 550 минг АҚШ долларини ташкил қилувчи нуфузли Esports World Cup Chess турнири бошланади.

Esports World Cup Chess турнирининг асосий иштирокчилари сафига саралаш баҳсларидан муваффақиятли ўтиб олган Жавоҳир Синдаров ҳам қўшилганди. Бугундан бошланадиган турнирда Нодирбек Абдусатторов ҳам бош соврин учун дона суради. Абдусатторов NAVI, Синдаров эса Team Vitality жамоаси номидан мусобақада иштирок этади.

Қуръа натижасига кўра, Нодирбек илк турдаёқ қора доналарда жаҳон тождори, норвегиялик Магнус Карлсен билан ўйнайдиган бўлди. Жавоҳир эса оқ доналарда яна бир рейтинг етакчиларидан бири, америкалик Ҳикару Накамура билан ҳисоб-китоб қилади.

Бугун ва эртага гуруҳ ўйинлари ўтказилади. 31 июль куни плей-офф, 1 август кунига эса финал учрашуви белгиланган. Саралаш ўйинлари 4 та гуруҳда ташкил этилади.