23 янв 11:46
Новости

Бугун "Ҳумо" "Алмати"га қарши илк уй ўйинини ўтказади, учрашувдаги ғалаба "қанотлилар"ни иккинчи ўринга олиб чиқиши мумкин

Бугун "Ҳумо" хоккей жамоаси Тошкентда Қозоғистоннинг "Алмати" клубига қарши илк уй учрашувида музга чиқади.

Учрашув соат 19:00да пойтахтимиздаги "Ҳумо Арена"да бошланади. Жамоалар ўртасида октябрь ойида ўтказилган икки баҳснинг ҳар иккисида "Ҳумо" ғалаба қозонган эди.

Бугунги учрашувдаги ғалаба орқали вакилларимиз мусобақа жадвалида иккинчи ўриндаги "Номад"дан ўзиб кетишлари мумкин. Шунингдек, мазкур учрашув плей-оффдан аввал мунтазам чемпионат доирасидаги Тошкентда ўтказилаётган сўнгги ўйинлардан бири бўлади.

Эртага 24 январь куни бўлиб ўтадиган иккинчи ўйин эса мунтазам чемпионат доирасида Тошкентдаги сўнггиси бўлади, ва ўйин якунида жамоа ва мухлислар ўртасида хайрия тадбири ташкил этилади.