13 янв 08:37
Новости

Бугун "Ҳумо" "Бейбарис"га қарши сўнгги ўйинда музга чиқади

Бугун "Ҳумо" хоккей жамоаси Тошкентда Қозоғистоннинг "Бейбарис" клубига қарши иккинчи уй учрашувини ўтказади.

Пойтахтимизда жойлашган "Ҳумо Арена"да бўлиб ўтадиган учрашув кечагиси сингари соат 19:00 да бошланади. Жамоалар ўртасида сентябрь ойида бўлиб ўтган икки баҳснинг биринчисида (7:4) атирауликлар, иккинчисида эса (2:5) тошкентликлар ғалаба қозонишган эди. Кеча ўтказилган учинчи беллашувда эса "Бейбарис" буллитлар сериясида ғолиб бўлган эди.

Маълумот учун, "Ҳумо" айни пайтда 33 та ўйиндан сўнг 48 очко жамғарган ҳолда мусобақа жадвалида 3-ўринни эгаллаб турибди. "Бейбарис" жамоаси ҳам 33 та ўйин ўтказган ва айни дамда 43 очко билан мусобақа жадвалининг бешинчи поғонасида бормоқда.