08 фев 12:18
Новости

Бугун "Ҳумо" мунтазам чемпионат доирасидаги сўнгги ўйинини ўтказади

Бугун "Ҳумо" хоккей жамоаси Кокшетауда "Арлан" клубига қарши иккинчи сафар учрашувида музга чиқади.

Учрашув Тошкент вақти билан соат 18:00 да Қозоғистоннинг Кокшетау шаҳрида жойлашган "Бурабай" аренасида бошланади. Жамоалар ўртасида декабрь ойида ўтказилган икки баҳснинг биринчисида "Ҳумо", иккинчисида эса "Арлан" ғалаба қозонган эди.

Кеча ўтказилган учинчи баҳсда эса вакилларимиз буллитлар сериясида 2:1 ҳисобидаги ғалабани расмийлаштиришди.

Қайд этиш лозим, "Арлан" жамоасига қарши бугун бўлиб ўтадиган ўйин "қанотлилар" учун мунтазам чемпионат доирасидаги сўнгги ўйин бўлади.

Ўйин YouTube платформасидаги InSportTV канали орқали трансляция қилинади.