23 окт 09:07
Новости

Бугун "Ҳумо" Тошкентда "Актобе"га қарши ўзбекона хоккей оқшомини ўтказади

Бугун Тошкентнинг "Ҳумо" хоккей клуби Қозоғистон Очиқ чемпионатидаги ўн еттинчи ўйинини ўтказади.

Жамоалар ўртасидаги Мунтазам чемпионат доирасида ўтказилиши кутилаётган илк учрашув бугун Тошкент вақти билан соат 19:30 да, "Ҳумо Арена"да старт олади.

Жамоа матбуот хизматининг маълум қилишича, учрашувда 21 октябрь - "Ўзбек тилига давлат тили мақоми берилган кун" муносабати билан ўзбекона муҳит ҳукм суради.

Эслатиб ўтамиз, "Ҳумо" жамоаси ортда қолган 16 та турдан сўнг Мунтазам чемпионат жадвалида 30 очко билан пешқадам бўлиб турибди. Мусобақада 18 та ўйин ўтказиб улгурган "Актобе" эса 14 очко билан 8-ўринни банд этган.