Хабарингиз бор, 2026 йилда Шимолий Америкада ўтказилиши режалаштирилган футбол бўйича Жаҳон чемпионати учун Осиё қитъаси саралаш учрашувлари ўтган йилнинг октябрь ойида бошланган ва унинг дастлабки босқичида ҳакамларимиз 3 та учрашувни бошқаришган эди.
Саралашнинг иккинчи босқичидан ўрин олган Хитой – Таиланд учрашувини Илгиз Танташев бошчилигидаги ҳакамлар жамоаси бошқариб боради. Унга қанотларда Андрей Цапенко ҳамда Тимур Гайнуллин ёрдам берса, яна бир ҳамюртимиз Аскер Нажафалиев захира ҳаками вазифасини бажариши кўзда тутилган. Бундан ташқари, ушбу босқич доирасидаги Қирғиз Республикаси – Малайзия баҳсига яна бир вакилимиз – Владислав Цейтлин ҳакамлар назоратчиси сифатида тайинлов олган.
Қуйида улар бошқарадиган учрашув маълумотлари билан танишинг:
ЖЧ-2026 саралаши, 2-босқич | Осиё минтақаси, "C" гуруҳи
Хитой – Таиланд
6.06.2024 | 20:00
Ҳакамлар:
Ильгиз Танташев
Андрей Цапенко
Тимур Гайнуллин
Аскер Нажафалиев
Осиё минтақаси, "D" гуруҳи
Қирғиз Республикаси – Малайзия
6.06.2024 | 21:00
Назоратчи: Владислав Цейтлин
Комментарии