03 сен 10:44
Новости

Теннис

Бугун ITF M15 Tashkent турнирининг асосий тўр баҳслари бошланади

Ўтган ҳафта пойтахтимизга яна катта теннис қайтиб, ITF туркумидаги "Grand Palace Cup M15" халқаро мусобақаси ўтказилганди.

Бугундан худди шундай тоифадаги яна бир турнирнинг асосий тўр баҳслари старт олади. Унда уч нафар ўзбекистонлик теннисчилар - Амир Милушев, Максим Шин ва Раҳимбек Иброҳимов ҳам ўз имкониятини синаб кўради.

Эътиборлиси, Иброҳимов ва Шин эртага 1/16 финалда ўзаро тўқнаш келишади. Учрашув натижасидан қатъи назар, ўзбекистонлик теннисчилардан бири нимчорак финалга йўл олади.

Бугун эса Амир Милушев 1/16 финал босқичида россиялик Александр Биндага қарши кортга чиқади. Ушбу баҳс соат 16:00да бошланади. Милушев ATP рейтингида 1690, Бинда 1003-поғонадан жой олган.