Бугун Жаҳон чемпионатида опа-сингил гроссмейстерларимиз икки давлат байроғи остида бир-бирларига қарши ўйнашади

Умумий мукофот жамғармаси 1 миллион АҚШ долларини ташкил этган жаҳон биринчилигининг учинчи куни рапид йўналишида эркаклар 10, аёллар эса 9-тур учрашувлари билан баҳсларни бошлашади. 

Эътиборга молик жиҳати шундаки, бугун аёллар ўртасидаги мусобақанинг 9-турида опа-сингил гроссмейстерларимиз Нафиса Мўминова ва Гулруҳбегим Тоҳиржонова икки давлат байроғи остида бир-бирларига қарши дона суришади. 

Гулруҳбегим АҚШ шарафини ҳимоя қилиб келаётганидан хабарингиз бор, албатта. Ҳар икки шахматчи ҳам бугунги ўзаро учрашувлари олдидан 4 очкога эга бўлиб туришибди. Сингил бугун опасига қарши оқ доналарда ҳаракат қилади. 

Бугунги ўзаро учрашув олдидан Нафиса Мўминова қўшимча кўрсаткичларга кўра 40, Гулруҳбегим Тоҳиржонова эса 57-ўринни банд этган. 

Аёллар ўртасидаги рапид мусобақаси. 9-тур

Гулруҳбегим Тоҳиржонова (АҚШ, 2326) - Нафиса Мўминова (Ўзбекистон, 2242)