17 авг 11:13
Новости

Спортивная борьба

Бугун курашчи қизимиз жаҳон чемпионати медали учун ўтиш баҳсида гиламга чиқади

Иордания пойтахти Амман шаҳрида 20 ёшгача бўлган спорт курашчилари (эркин, юнон-рум ва аёллар кураши) ўртасида жаҳон чемпионати давом этмоқда.

Кеча аёллар кураши бўйича баҳсларга старт берилди. Мусобақадаги иштирокини бошлаган курашчи қизларимиздан фақат бир нафари Жаҳон чемпионати медали учун курашиш имкониятини қўлга киритди.

55 кг вазн тоифасида юртимиз шарафини ҳимоя қилаётган Айсанем Курбанбаева бугун бронза медали учун ўтиш баҳсида АҚШ вакиласи Амани Эмма Жонсга қарши гиламга чиқади. Ҳамюртимиз ғалаба қозонган тақдирда украиналик Албина Риллиа билан бронза медали учун беллашади. Ушбу вазнда жаҳон чемпионлиги учун баҳс россиялик Арина Мартинана ҳамда руминиялик Жоржиана Карла ўртасида кечади.

Кечаги беллашувларда иштирок этган Сарбиназ Жиенбаева қирғизистонлик Каомира Билимбек қизига ютқазиб қўйди. Бугун қолган вазн тоифаларидаги курашчи қизларимиз жаҳон чемпионатидаги иштирокларини бошлашади.