14 мая 11:00
Новости

Тяжелая атлетика

Бугун Олимпиада чемпиони Акбар Жўраев ва яна уч атлетимиздан Осиё чемпионати медалларини кутамиз

Хитойнинг Жиангшан шаҳрида ўтказилаётган оғир атлетика бўйича катталар ўртасидаги Осиё чемпионати ҳам аста секин поёни сари яқинлашмоқда.

Ўзбекистон оғир атлетика федерацияси матбуот хизматининг хабар беришича, бугун қиъта биринчилигида 4 нафар спортчимиз ғолиблик учун баҳсларга киришади.

Жумладан, Тошкент вақти билан соат 11:48 да аёллар ўртасида -87 кг вазн тоифасида "А" гуруҳ беллашувлари старт олади. Ушбу вазн тоифасида юртимиз шарафини икки вакиламиз - Нигора Сувонова ҳамда Турсуной Жабборова ҳимоя қилади.

Шунингдек, соат 15:48 дан бошлаб эркаклар ўртасида -109 кг вазн тоифасида яна икки ҳамюртимиз - Олимпиада чемпиони ва совриндори Акбар Жўраев ҳамда Шарофиддин Амриддинов баҳсларга киришади.