27 мар 15:34
Новости

Бугун Ўзбекистон олимпия терма жамоаси Марокаш билан ўйнайди

Бугун Ўзбекистон олимпия терма жамоаси Марокашда охирги ўртоқлик учрашувини мезбонларга қарши ўтказади.

Учрашув Тошкент вақти билан 27 мартдан 28 мартга ўтар кечаси 01:30 да бошланади. Баҳс Работдаги “Мулай Абдулла” спорт комплекси майдонида ўтиши режалаштирилган.

Эслатиб ўтамиз, Тимур Кападзе шогирдлари бундан олдин Тогони 5:3 ҳисобида енгиб, Кот-д'Ивуар билан голсиз дуранг (0:0) ўйнаганди. Марокашликлар эса ўз навбатида Тогони 2:0 ҳисобида мағлуб этиб, Кот-д'Ивуарга 2:3 ҳисобида ютқазишган.