28 мая 09:16
Новости

Дзюдо

Бугун Қаршида дзюдо бўйича катталар ўртасида Ўзбекистон Кубоги бошланади

28-30 май кунлари Қашқадарё вилояти маркази Қарши шаҳрида дзюдо бўйича катталар ўртасида Ўзбекистон Кубоги бўлиб ўтади.

"Геолог" спорт мажмуасида мамлакатимизнинг энг сара ҳамда истеъдодли дзюдочилари Ўзбекистон Кубоги учун баҳсларга киришишади. Қорақалпоғистон Республикаси, барча вилоятлар ҳамда Тошкент шаҳридан келган жами 700 нафарга яқин дзюдочилар 14 та (7 та аёллар, 7 та эркаклар) вазн тоифасида татамига чиқишади.

Мусобақа старти олдидан ҳакамлар ва мураббийлар учун амалий семинар ташкил этилди. Унда Ўзбекистон дзюдо федерацияси Ҳакамлар ҳайъати раиси Баҳодир Узакберганов ҳамда халқаро тоифадаги рефери Сойиб Қурбонов Халқаро дзюдо федерацияси томонидан 2024 йилда амалиётга киритилган айрим ўзгаришлар, қонун-қоидалар ҳақида маълумот беришди.

Маълумот учун, уч кун давом этадиган Ўзбекистон Кубоги беллашувларини 24 нафар ҳакам бошқариб боради.